சருமத்துக்கு பளபளப்பு தரும் பயத்தம் பருப்பு

பெரியவர்கள், இளையவர்கள் என்று எந்தப் பாகுபாடும் இல்லாமல் பச்சிளங்குழந்தைகளின் சருமத்துக்கும் கூட பளபளப்பு தந்து பாதுகாப்பு வளையத்தையும் போனஸாக வழங்குகிறது பயத்தம் பருப்பு!

இதோ இந்த பயத்தம் பருப்பு பேஸ் பேக்கைப் போட்டுப் பாருங்கள்... `ஆஹா... இது என் முகம் தானா?'' என்று ஆனந்த அதிர்ச்சியில் சிலையாகி நிற்பீர்கள்.

தோலுடன் முழு பச்சை பயறு - 2 டேபிள் ஸ்பூன், எலுமிச்சை இலை - 1 (நடு நரம்பை அகற்றி விடவும்), வேப்பிலை -1, துளசி-4, பூலான் கிழங்கு-1, ரோஜா மொட்டு-2, கசகசா - அரை சிட்டிகை.

இவற்றை முந்தைய நாள் இரவே தயிரில் ஊறவைத்து, மறுநாள் அரைத்து பேஸ்டாக்கிக் கொள்ளுங்கள்.

இதனுடன், கஸ்தூரி மஞ்சள் தூள் -1 சிட்டிகை கலந்து கொள்ளலாம். குளிப்பதற்கு முன்பு முகத்துக்கு இந்த பேக் போட்டு, பத்து நிமிடம் கழித்து அலம்புங்கள். வாரம் இருமுறை இப்படி செய்து வாருங்கள். கண்ணாடி பார்க்கும் போது அசந்து போவீர்கள்.

இதில் சேர்க்கப்பட்டுள்ள 

• எலுமிச்சை இலை முகத்தை `ப்ளீச்' ஆக்கும்.
• துளசி, தோலை மிருதுவாக்கும். 
• ரோஜா மொட்டு பளபளப்பு தரும். 
• வேப்பிலை பருக்களை ஒழிக்கும். 
• பூலான்கிழங்கு வாசனையை வழங்கும்.
• கஸ்தூரி மஞ்சள் மினுமினுப்பு தரும்.